وزارة التأمينات الاجتماعية تنشئ خدمة جديدة

 وزارة التأمينات الاجتماعية تنشئ خدمة جديدة 

أنشأت وزارة التأمينات الإجتماعية خدمة في قمة الروعة عشان كل الناس اللي شغالين سواء في وظائف حكومية أو في القطاع الخاص أو قطاع الأعمال العام يعرفوا وضعهم الحالي من ناحية التأمينات ومدد الخدمة وتفاصيل كتير عن حالتك التأمينية.

الموقع بيساعدك تعرف وضعك التأميني ،، والشركة أو الشغل اللي انت شغال فيه مأمن عليك ولا لأ .. وبكام !؟

......................................................................

01- الخطوة الأولي: الاستعلام عن رقمك التأميني

........ هتدخل علي الرابط ده https://bit.ly/3sbqhgQ هيفتح لك الصفحة الرئيسية للهيئة هتختار الاستعلام عن الرقم التأميني أو تدخل مباشرة علي الرابط ده https://bit.ly/3sbVTTt وتكتب رقمك القومي والاسم الأول لوالدتك وتعلم علي مربع الكابتشا وتضغط علي ارسال الطلب.

هيظهرلك اسمك كامل ورقمك التأميني (احتفظ بيه هتحتاجه في كل تعاملاتك بعد كده).

..................................................

02- الخطوة الثانية: تسجيل حساب علي الموقع.

....... زي أي موقع بتسجل فيه هتدخل من الصفحة الرئيسية علي مستخدم جديد أو مباشرة علي الرابط ده https://bit.ly/3rda49m وتملأ بياناتك بشكل طبيعي: اسمك - اسم والدك - اسم جدك - العائلة بالظبط زي ماهو مكتوب في بطاقة رقمك القومي, وبعدين اسم والدتك ورقمك القومي ورقمك التأميني اللي حصلت عليه في الخطوة الأولي, وبعدين عنوانك اللي في البطاقة والدولة طبعا مصر - ورقم الموبايل والايميل بتاعك وتختار وسيلة التواصل معاك عن طريق الايميل أو الموبايل.

وبعدين هتكتب باسوورد قوي مرتين وتحل الكابتشا وتوافق علي الشروط وفي الأخير تضغط علي تسجيل.

هتجيلك رسالة سواء علي الموبايل أو الايميل فيها رمز التأكيد.

........................................................

03- الخطوة الثالثة: الاستعلامات.

....... يتيح لك الموقع العديد من البيانات التي يمكنك الاستعلام عنها الكترونيا من خلال الموقع كل ماعليك هو تسجيل الدخول لحسابك الذي قمت بانشائه في الخطوة الثانية أو من خلال الرابط https://bit.ly/315lJMP اختار الفئة التي تنتمي اليها سواء كنت مؤمن عليه أو مستفيد أو صاحب عمل أو صاحب معاش أو غير مصري ثم اختار الخدمة التي تريد الاستعلام عنها .

هتلاقي جدول حلو فيه كل بيانات مدد التأمين بتاعتك واشتراكاتك.