بالخطوات طريقة عمل اعلان على الفيسبوك يحقق أفضل النتائج بأقل التكاليف

خطوات طريقة عمل اعلان على الفيسبوك ويحقق أفضل إستهداف 

فقط 4 خطوات لعمل اعلان فيسبوك بإستهداف ناجح

لتحقيق أفضل نتائج لحملة Facebook Ads اعمل الخطوات دي:

1. اعمل حملة عادية بالهدف اللي عايزه سواء Engagements, Reach, Leads أو Messages والـ Budget خليها Lifetime مش Daily (معلومة مؤكدة من موظف بالفيسبوك) ومتحددش Bid Cap اللي هو أقصى سعر عايز تدفعه للرسالة أو التفاعل خليها أوتوماتيك واختار الـ Interests المظبوطة بتاعتك وحدد مناطق الاستهداف والعمر والنوع وكل الحاجات دي وفي الـ Locations متختارش Everyone in this Location علشان هيجيبلك ناس مش موجودة في المكان اللي انت حددته ، اختار People who live in this location علشان تضمن إن الإعلان ميخرجش برة المنطقة اللي انت محددها فمتبقاش انت مستهدف الناس اللي عايشة في القاهرة مثلا وتلاقي تفاعلات من ناس من محافظات بعيدة انت مش عايزهم.

ـــــــــــــــــــــــــــــــــ

2. اعمل حملة تانية جديدة تماما بنفس المواصفات بتاعة الحملة الأولى وممكن تعملها Duplicate أسهلك بس هتعدل في الـ Audience وهتعمل Custom Audience وتختار Facebook Page ومتختارش Everyone who engaged with your page اختار تالت اختيار اللي هو People who engaged with any post or any ad وفوت الاختيار الأول والتاني وبعد كده اضغط على Include more people واختار الاختيار الرابع وهكذا لحد ما تختار الـ 4 اختيارات من التالت للسادس وبعد كده هتعمل Lookalike Audience بنسبة 5% أو أقل وبعدين هتحط في الاستهداف بتاعك الجمهور المشابه Lookalike Audience وهتعمل استبعاد للـ Custom Audience إلا لو بتبيع منتجات كتير مثلا ومعندكش مشكلة إن نفس الناس اللي تفاعلت معاك قبل كده واشتروا منك يشوفوا الإعلان الجديد ساعتها استهدف الـ Custom Audience ومتعملوش استبعاد عادي ، لكن لو بتبيع منتج واحد أو بتقدم خدمة فالأفضل انك تستبعده علشان الإعلان ميظهرش تاني لنفس الناس اللي تفاعلت معاك قبل كده وتدي فرصة للإعلان يشوفه جمهور تاني متفاعلش معاك قبل كده.

نفس الكلام اللي فات ينطبق على جزئية الـ connections لو مش عايز إعلانك يظهر للجمهور اللي عامل لايك للبيدج بتاعتك هتختار Exclude people who like your page لكن لو مش فارق معاك وعايز إعلانك يظهرلهم عادي سيب الجزئية دي فاضية متختارش حاجة.

اضغط هنـــــــــا وحمل مجموعة قوالب بلوجر مجانية

ـــــــــــــــــــــ

3. في نفس الحملة التانية هتدخل على الـ Ads وتعدل في الإعلان أي حاجة علشان لو معدلتش فيه الحملة التانية هتستهدف نفس البوست بتاع الحملة الأولى والحملتين هيشتغلوا على بوست واحد بس. لكن لو حابب تركز كل الحملات على بوست واحد بس مفيش مشكلة برده بس أنا شخصيا بفضل إن كل حملة وكل استهداف يبقى ليه بوست لوحده. والأفضل من ده كله إنك تعمل أكتر من صيغة للإعلان وكل صيغة بصورة مختلفة وتجرب وليكن 3 إعلانات مثلا وكل حملة يبقى فيها الـ 3 إعلانات لحد ما تستقر على أفضل إعلان جاب نتائج كويسة بتكلفة قليلة هتركز عليه وتقفل التانيين.

ـــــــــــــــــــ

4. لو عندك داتا عن عملائك زي أرقام تليفوناتهم مثلا هتكرر نفس الخطوة رقم 2 بس هتختار Customer List وترفع الداتا بتاعتهم وبرده هتعملّهم جمهور مشابه وتستهدفه وتستبعد الـ Custom Audience نفسه أو تستهدفه برده لو عايز إعلانك يظهرلهم زي ما شرحت في النقطة رقم 2.

ولو عندك ويب سايت هتختار Website أو لو عندك Leads كويسة هتختار Lead Form أو لو عندك Events جابت responses كويسة هتختار Events أو لو عندك فيديو عليه مشاهدات كويسة هتختار Video وتختار الناس اللي شافت الفيديو كله أو 15 ثانية أو 50% لو فيديو قصير ولو فيديو طويل ممكن تخليها 25% وكل حاجة من دول هتعملهم حملة لوحدها بنفس الطريقة.

طبعا الـ Audience بتاعك زي ما هو زي ما في الحملة الأولى وهتسيب الـ Interests برده متشيلهاش علشان تضمن إن الجمهور المشابه ده عنده نفس الاهتمامات برده كل اللي هتزوده هو الـ Lookalike وهتستبعد الـ Custom Audience.

طبعا بعد ما تخلص كل الحملات دي هتقسم إجمالي الميزانية بتاعة العميل على كل الحملات يعني لو الميزانية 5000 وانت عندك 5 حملات واحدة Interests والباقيين Custom Audiences & Lookalike هتخصص لكل حملة 1000 وطبعا متنساش تحدد تاريخ انتهاء للحملة لأنك اخترت Lifetime Budget.

5. حملات الـ Messages - WhatsApp Business بتجيب شغل حلو جدا حاول تركز عليها بس لازم تعمل الإعلان من جوة الـ Ads Manager مش من الصفحة ويا إما هتختار صورة واحدة بس للإعلان علشان الصورة اللي يضغط عليها الجمهور يتحول للواتساب علطول يا إما هتختار Carousel وتختار صور بحد أقصى 10 ، لكن لو اخترت بوست موجود على الصفحة بالفعل ساعتها الصورة اللي هيضغط عليها هتفتحله صورة مش هتوديه على الواتساب مباشرة.

بس متنساش إن البوست كده هيكون Dark مش موجود على الصفحة فلو حابب تظهره هتدخل من الـ Ads Manager وتختار Page Posts وتعمله Publish أو لو حابب تخفيه من الصفحة علشان محدش يسرق الداتا بتاعة جمهورك هتسيبه زي ما هو.

6. بعد ما تخلص حملاتك سيبها 3 أيام على الأقل وتابع شوف مين أكتر حملة جابت تفاعل كويس وبسعر قليل وركز عليها أكتر من الباقيين، ولو لقيت حملة معينة نتائجها مش كويسة عدل في الاستهداف وجرب كذا طريقة لحد ما توصل لأفضل نتائج.

آخر حاجة حابب أقولها إن دي استراتيجية أنا بتبعها وبتجيب معايا نتايج كويسة، فمش معنى إنك بتتبع استراتيجية تانية وشغالة معاك كويس يبقى الاستراتيجية دي غلط لأن مفيش حاجة Standard ومسلّم بيها في المجال بتاعنا، كل دي اجتهادات وكل واحد وليه طريقته الخاصة ووارد أكتر من طريقة تبقى صح في نفس الوقت ووارد برده الاستراتيجية دي تنفع معاك ومتنفعش مع غيرك، الموضوع في النهاية تجربة واختبار لحد ما توصل لأفضل استراتيجية تستريحلها وتجيب معاك أفضل النتائج.